'ಭಕ್ತಿಸುಧಾವರ್ಷಿಣೀ' ಎಂಬ ಸ್ತೋತ್ರಗ್ರಂಥವು ಶ್ರೀ ಶ್ರೀ ಸಚ್ಚಿದಾನಂದ ಶಿವಾಭಿನವ ನೃಸಿಂಹ ಭಾರತೀ ಮಹಾಸ್ವಾಮಿಗಳ ಶಿಷ್ಯರಾದ ಶ್ರೀ ಶ್ರೀ ಚಂದ್ರಶೇಖರ ಭಾರತೀ ಮಹಾಸ್ವಾಮಿಗಳಿಂದ ರಚಿತವಾಗಿದೆ. ತಮ್ಮ ಗುರುಗಳ 'ಭಕ್ತಿಸುಧಾತರಂಗಿಣಿ' ಎಂಬ ಸ್ತೋತ್ರಗಳಿಂದ ಪ್ರಚೋದಿತರಾಗಿ ಈ ಸ್ತೋತ್ರಗಳನ್ನು ರಚಿಸಿರುವುದು ಸ್ಪಷ್ಟವಾಗಿ ಕಾಣುತ್ತದೆ. ಭಕ್ತಿಪ್ರಧಾನವಾದ ಈ ಸ್ತೋತ್ರಗಳ ಪಠಣದಿಂದ ಅಜ್ಞಾನವು ಕಳೆದು ಜ್ಞಾನದ ಬೆಂಬಲದಿಂದ ಮತ್ತು ಗುರುಗಳ ಕೃಪೆಯಿಂದ ಭಗವಂತನನ್ನು ಒಲಿಸಿಕೊಳ್ಳುವುದು ಸುಲಭವಾಗುತ್ತದೆ.